Pius papa iiii

Motu proprio etc. dilectus filius Petrus de Arezzo Aretinsis seu alterius civitatis seu diocesis de cuius probitate et in artis cantus et musices experientia plurimum in domino confidimus et sperantes, quod ea, que sibi committenda duxerimus, solerti studio exequi procurabit, specialibus favoribus et gratiis prosequi volentes ipsum Petrum per cantores capelle nostre ad concilium Tridentinum destinatus examinatum et approbatum ex nunc unum de cantoribus capellanis nostre capelle cum omnibus et singulis illius honoribus et oneribus, iuribus, salariis et emolumentis solitis et consuetis ad eius vitam facimus, constuimus et deputamus necnon ipsum Petrum in cantorem capellanum nostrum gratiose recipimus et admittimus aliorumque eiusdem capelle nostre cantorum capellanorum numero et consorito favorabiliter aggregamus necnon omnibus et singulis honoribus, graciis, privilegiis, facultatibus, libertatibus, prerogativis et indultis, quibus dicti cantores capellani utuntur, potiuntur et gaudent ac uti, potiri et gaudere poterunt quomodolibet in futurum, similiter potiri et gaudere libere et licite posse et valere ac de omnibus et singulis iuribus, salariis et emolumentis solitis et consuetis respondendum fore et esse sibique responderi decernimus; mandantes propterea dilecto filio moderno eiusdem capelle nostre magistro cantoribus capellanis ac aliis, ad quos spectat, quatenus statim visis presentibus nullo alio a nobis seu camera apostolica desuper expectato mandato ipsum Petrum in cantorem capellanum recipiant et admittant sibique de emolumentis, iuribus, regaliis et salariis solitis et consuetis respondeant admittique et recipi responderique mandent et faciant necnon rochettum et alia necessaria dari solita tradant et consignent realiter et cum effectu; non obstantibus illa qua caveri dicitur expresse, quod nullus cantor deinceps ad eandem capellam admitti possit, donec et quousque numerus cantorum eiusdem capella ad XXIIII reductus existat, necnon quibusvis aliis constitutionibus et ordinationibus apostolicis statutis etc. etiam iuramento etc. roboratis privilegiis quoque, indultis et litteris apostolicis necnon quibusvis aliis concessionibus et assignationibus cuicumque persone, quomodolibet qualificate et benemerite per nos etiam motu proprio etc. ac cum quibusvis etiam derogatoriarum derogatoriis clausulis et decretis etiam irritantibus et alias quomodolibet factis et faciendis, quibus omnibus tenores etc. pro expressis habentes latissime derogamus ac concessiones et assignationes huiusmodi revocamus et pro revocatis haberi et illis derogatum esse decernimus, ceterisque contrariis quibuscumque. Volumus autem presentis nostri motus proprii solam signaturam sufficere et ubique fidem facere in iudicio et extra, etiam si videbitur absque registratura.

Placet motu proprio J