Antonius Didacus Vigliadiego fuit admissus in capella per magistrum et cantores et solvit sua regalia.

Pius Papae IIII

 Motu proprio etc. dilectum filium Antonium de Villadiego clericum Segobiensis diocesis probitate et artis cantus et musices experientia plurimum in domino confidimus ac sperantes quod ea que sibi comittenda duxerimus solerti studio exequi procurabit specialibus favoribus et gratiis prosequi volentes ipsum Antonium exnunc unum de cantoribus cappellanis nostre cappelle cum omnibus et singulis illius honoribus et oneribus iuribus salariis et emolumentis solitis et consuetis id eius vitam facimus constituimus et assignamus ac deputamus. Necnon ipsum Antonium in cantorem capellanum nostrum graciose recipimus et admittimus aliorumque eiusdem capelle nostre cantorum capellanorum numero et consortio favorabiliter aggragamus necnon omnibus et singulis honoribus gratiis privilegiis facultatibus libertatibus prerogativis et indultis quibus dicti cantores capellani utuntur potiuntur et gaudent ac uti potiri et gaudere poterunt quomodolibet in futurum similiter potiri et gaudere libere et licite posse et valere ac de omnibus et singulis iuribus salariis et emolumentis solitis et consuetis respondendum fore et esse sibique responderi decernimus mandantes propterea dilecto filio moderno eiusdem capelle nostre magistro ac aliis ad quos spectat quatenus statim visis presentibius nullo alio a nobis seu camara [sic] apostolica expectato mandato ipsum Antonium in cantorem capellanum recipiant et admittant. Sibique de emolumentis iuribus regaliis et salariis solitis et consuetis respondeant admittique et recipi ac responderi. Necnon rochetum et alia necessaria dari solita tradant et consignent mandent et faciant realiter et cum effectu. Non obstantibus illa qua cavetur expresse quod nullus cantor deinceps ad eandem capellam admitti posse donec et quousque numerus cantorum eiusdem capella ad xxiiii reductus existat necnon quibusvis aliis constitutionis et ordinationis apostolicis statutis etc. et iuramentis roboratis privillegiis quoque indultis ac litteris apostolicis necnon quibusvis aliis concessionis et assignationis cuicunque persone quomodolibet qualificate et benemerite per nos et motu proprio ac cum quibusvis et derogatoriarum derogatariis clausulis et decretis et irritari et alias quomodolibet factis et fiendis quibus omnibus tenores etc. pro expressis habentes latissime [?] derogamus ac concessionis et assignationis huiusmodi revocamus ac pro revocatis haberi et illis derogatum esse decernimus ceterisque contrariis quibuscumque volumus autem presentis nostris motus proprii solam signatura sufficere et ubique fidem facere in iuditio et extra et si videbitur absque regestratura. 

Vitellotius etc. Cam.s

Rev.do d. Donato Matheo Minali thesaurario apostolica generali de mandato etc., et auctoritate etc. tenore presentium committimus et mandamus ut de camera apostolice pecuniis per manus magnificorum virorum dominorm Augustini Thobie et Iohannis Baptiste Pallavicinorum illarum generalium depositarum solvi et numerari facias scuta quinquaginta auri in auro domino Antonio Villadiego, qui in reformatione nuper facta cappella S.mi d. n. per cardinales ad id deputatos fuit e numero cantorum perpetua ablatus hac conditione, ut illi de aliqua subventione provideretur, et cum ipse in patriam remare vellet animo ingrediendi religionem, a qua preteritis diebus exivit, S. D. N. eius bonam voluntatem adiuvare volens predicxta scuta quinquaginta auri in auro iussit ei dono dari, que sic soluta in tuis et illorum computis acceptabimus et admittemus acceptarique et admitti faciemus; cpontrariis etc. Datum Rome in Camera apostolica die tertia Octobris 1565.